Dia 12 di desèmber 2003, nos (famia Curiel) a regresá Korsou bek ku un meta ku Papa Dios a plania! E momentu ey mi tabata sa ku Dios tabata tin un plan pero kwa? Awor mi ta mira yen plan maravioso. I bo sa? Tin mas ahinda pa bin.
Esta dushi ta pa biba den Dios su presensia!

Dia 16 desèmber 2003, mi kasa Mark Curiel a tuma e enkargo di dirigí e kor di famia Viviënne Frans & Company. E dia aki nos a kuminsa kanta tur e 9 dianan di misanan di Ourora.
Esaki tabata un plan di Dios: ku awe a pone ku awor nos yunan Elique & Julianne Curiel tambe por kanta pa Papa Dios.
E prome 2 añanan Elique I Julianne no tabata bai tur 9 dianan I nan tabata sinta den banki of bin para huntu ku e kor. Ami ta bisa ku Papa Dios tabata toka nan.
Despues di 2 aña, Elique & Julianne a kuminsa kanta tur 9 dianan. Nan tabata lanta tur e 9 dianan huntu ku nan mama i papa pa huntu komo un famia bai kanta pa Papa Dios.
Esaki tabata otro plan di Dios: UN FAMIA KU TA TOKA I KANTA PA DIOS!
Asinaki nos a pasa 7 aña na Korsou i nos ta selebrá 5 aña ku Elique i Julianne ta kanta TUR 9 dianan di Ourora.
Danki Señor pa tur e bendishonan ku nos a risibí i lo sigui risibí.

Posted with WordPress for BlackBerry.