IMAGINA BO BIDA SIN ORASHON

TUR KOS LO PARSE ASINA BASHI

 

 

Predikador kapítulo 3, ta bisa nos ku tin un tempu i ora pa tur kos, inkluyendo un tempu pa basha bou i un tempu pa konstruí.

 

No ta importá e tempu o edat … nos tin hopi pa siña.

 

Nos a siña ku nos por ta so den un multitut … ku bida ta algu den kual nos tin ku sigui krese … ku amigunan berdadero ta hopi presioso … ku pas ta dushi i speransa ta un nesesidat.

 

Nos tin ku siña di ta moderá … di tin goso den e kosnan di mas chikí … ku tin biaha nos tin ku basha bou nos kustumbernan bieu pa asina nos por konstruí otro mas mihó … ku nos tin ku stòp di yora ku mundu i siña di nobo balor di hari.

 

Nos tin di siña pa lanta ariba di kosnan chikí … surpasá yalusí i envidia i di ta haragan … i konstruí na nan lugá generosidat, amabilidat i ternura.

 

Nos mester kibra ku e pensamentu kontinuo di kulpabilidat … i siña di pordoná nos mes … i nos tin ku kore ku miedu i siña di lubidá nos mes.

 

Nos mester kibra kustumbernan ku a forma gradualmente … i ku no ta korespondé ku e bon den nos … kustumbernan manera dunamentu di informashon ku ta nada otro ku puro redashi.

 

Si! Manera nos por mira, bida ta, un puru bashamentu abou konstante i konstruyendo di nobo … algu ku nos no ta tribi mes pa stòp di hasi.

 

I e yudansa di mas grandi pa nos den ámbos kaso ta hasi orashon.

Pasombra ku orashon nos tin tur yudansa ku nos mester.

Sin orashon … wèl bida lo ta algu asina bashí.

I kon difísil e lo ta pa enfrentá e temporada di basha bou i konstruí … i move pa kosnan mihó.

Saká for di: “Faith Magazine.” 

Tradusí i adaptá pa: AUNTY Magriet Hunte – Pourier