Mi ta yama Dios Tata danki pa tur loke E ta hasi p’ami, den nòmber di Kristu Hesus.
Mi no ta warda te ora mi mira resultado i risibí rekompensa.
Mi no ta spera te ora kos drecha òf mi ta sintimi mihó.

Mi ta yama danki awor.  
Mi no ta spera te ora mi doló pasa.

Mi ta yama danki awor.  
Mi no ta warda te ora mi situashon finansiero drecha.

Mi ta yama danki awor.
Mi no ta warda te ora e muchanan drumi i kas ta ketu i trankilo.

Mi ta yama danki awor.  
Mi no ta warda te ora mi haña trabou òf e promoshon ku mi ta spera.

Mi ta yama danki awor.  
Mi no ta spera te ora laman kalma i tempu drecha.

Mi ta yama danki awor.
Mi ta yama Dios Tata danki awor pasobra mi ta na bida.  
Mi ta yama danki pa tur e kosnan ku mi a logra te awor apesar di tur e difikultatnan den bida di tur dia.  
Mi ta yama danki pa e sabiduria ku mi tabata sa di apliká i pasa rondó di tur difikultat.  
Mi ta yama danki komo awor mi tin e kapasidat i oportunidat pa hasi mas i mihó.  
Mi ta yama danki pasobra E no a lagami na kaya.
Mi Dios ta bon i E ta bon semper!