Pa terminá, mi rumannan: buska boso forsa den Señor i den su gran poder. Bisti e armadura ku Dios ta duna boso, pa boso por enfrentá diabel su plannan engañoso. Pasobra nos lucha no ta kontra ser humano, ma kontra outoridatnan, gobernantenan, gobernadornan spiritual di e mundu den skuridat aki i kontra e spiritunan malu ku ta biba den e regionnan selestial. P’esei bisti e armadura ku Dios ta duna, pa boso por wanta duru ora e dia di maldat yega i pa, despues di a hasi tur kos, boso por keda firme para. P’esei anto para kla ku bèrdat komo faha na bo sintura, ku hustisia komo korasa i ku zelo pa anunsiá e mensahe di pas komo sandalia na boso pia! Ma huntu ku esei, laga boso fe ta e eskudo ku por wanta e flechanan sende na kandela ku e malbado ta tira riba boso. Salbashon mester ta e hèlmu ku ta tapa boso kabes i palabra di Dios e spada ku Spiritu Santu a duna boso. Resa pa mi tambe, pa Dios duna mi e palabranan korekto ora mi ta mustra ku kurashi e boluntat skondí di Dios ku ta kontenido dje e bon notisia. Mi ta un embahador den servisio di e bon notisia ei, ounke mi ta den prison awor aki. Resa anto pa mi papia ku kurashi manera mester ta.

~ Efesionan 6:10-20 ~